कुठला श्रावण

कुठला श्रावण, कसला श्रावण
जरा दाटले, फसला श्रावण

दूर कुठेशी वीज चमकली
अन् वा-याने पुसला श्रावण

तिने जराशी पाठ फिरवली
लगेच मग हिरमुसला श्रावण

दुःख नभाशी भरून आले
तरी सरीतून हसला श्रावण

बराच लपला-बिपला तरीही
जागोजागी दिसला श्रावण

पारावरले मित्र हरवले
पिंपळ सळसळ झाला श्रावण

गतकाळाची जखम निवळली
तरी जरा ठसठसला श्रावण

असो, म्हणूनी आला होता
असो, म्हणूनो गेला श्रावण